Ампиокс - натрий

Ампиокс - натрий

Таъсир этувчи модда (ХПН):

Ампициллин + Оксациллин (2:1 нисбатда).

АТХ коди:  J01CR50

Фармакотерапевтик гуруҳи:

Антибиотиклар (пенициллинлар гуруҳи).

Таркиби:  Бир флакон сақлайди:

Ампициллиннингнатрийлитузи       0,3335 г

                                                                                  Оксациллиннингнатрийлитузи        0,1665 г

Фармакологик хусусиятлари

Препарат ампициллин ва оксациллин спектрларини бирлаштирувчи кенг антибактериал таъсир доирасига эга. Граммусбат (Staphylococcus spp., Streptococcus spp., С. Diphtheriae, Clostridium) ва грамманфий (Е.coli, Рг. mirabilis, Н.influenzae, К.pneumoniae, N.Meningitidis ва бошқалар) микроорганизмларга нисбатан фаол. Препратда оксациллиннинг натрийли тузи борлиги учун, у пенициллиназа ҳосил қилувчи стафилококкларга нисбатан фаол. Ps.aeruginosa, Pr.vulgaris, Pr.rettgeri, Pr.morgonii нинг кўпчилик штаммлари Ампиоксга чидамли.

Фармакокинетикаси

Препаратнинг қондаги максимал концентрацияси мушак ичига юборилганидан кейин 30 минут – 1 соатўтгач аниқланилади.Вена ичига юборилганида қонда тез, препарат мушак ичига юборилганида кузатиладиганидан юқорироқконцентрацияси ҳосил бўлади. Организмдан препарат буйраклар орқали ва қисман ўт-сафробилан чиқарилади. Такрорий юборишларда у организмда йиғилмайди, бу уни узоқмуддат қўллаш имкониятини беради.

Қўлланилиши

Препаратга сезгир микроорганизмлар чақирган инфекцион-яллиғланиш касалликларини, шу жумладан нафас йўллари инфекциялари (бронхит, пневмония), ўт-сафро йўллари инфекциялари (холангит, холецистит), сийдик-чиқариш йўллари ва буйрак инфекциялари (пиелит, пиелонефрит, цистит), тери ва юмшоқтўқималари инфекциялари (инфекцияланган жароҳатлар), ангина, сепсис, куйиш касаллигини даволаш. Жарроҳлик аралашувларида операциядан кейинги асоратларни олдини олиш. Чақалоқлардаги инфекцияларни олдини олиш ва даволаш.

Қўллаш усули ва дозалари

Препарат мушак ичига ёки вена ичига (оқим билан ёки томчилаб) юборилади. Парентерал юборилганида препаратнинг бир марталик дозаси катталар учун 0,5-1г, суткалик дозаси 2-4 г ни ташкил қилади. Янги туғилган чақалоқларга, чала туғилган ва 1 ёшгача бўлган болаларга препарат суткада 100-200 мг/кг суткада дозада буюрилади. 1 ёшдан 7 ёшгача – 100 мг/кг, 7 ёшдан 14 ёшгача – 50 мг/кг, 14 ёшдан - ошганларга катталар дозасида буюрилади. Инфекциянинрг оғир кечишида к¢рсатилган дозани 1,5–2 мартага ошириш мумкин. Суткалик доза 3-4 қабулда 6-8 соат интервал билан юборилади. Мушак ичига юбориладиган  эритмалар 0,5 г флакон ичидагисига 2 мл инъекция учун сув қўшиб ex tempore тайёрланади. Даволаш муддати 5-7 кундан 3 ҳафтагача. Вена ичига оқим билан юбориш учун препарат (бир марталик дозаси) 10-15 мл инъекция учун сувда ёки натрий хлориди изотоник эритмасида  эритилади ва 2-3 минут давомида аста-секин юборилади. Катталарга вена ичига томчилаб юбориш учун препарат (бир марталик дозаси) 100-200 мл натрий хлоридининг изотоник эритмасида ёки 5-10% глюкоза эритмасида эритилади ва минутига 60-80 томчи тезликда юборилади, болаларга томчилаб юборилганида эритма сифатида 5-10 % глюкоза эритмаси ишлатилади (ёшига қараб 30-100 мл). Эритмалар тайёрланганидан сўнг дарҳол ишлатилади, уларга бошқа дориларни қўшиш мумкин эмас. Вена ичига препарат 5-7 кун давомида юборилади, кейинчалик (зарурати бўлса) мушак ичига юборишга ўтилади.

Ножўя таъсирлари

Тери тошмалари, эшакеми, Квинке шиши ва бошқалар кўринишидаги аллергик реакциялар бўлиши мумкин, кам ҳолларда – анафилактик шок ривожланиши мумкин. Аллергик реакциялар пайдо бўлганида препарат юборишни тўхтатиш ва  десенсибилизацияловчи терапияни ўтказиш керак. Анафилактик шокнинг белгилари пайдо бўлганида беморни бу ҳолатдан чиқариш учун шошилинч чоралар қўллаш керак: адреналин, юрак-томир (корглюкон, строфантин, эуфиллин ва бошқалар), гормонал (гидрокортизон ёки преднизолон) препаратларини ва десенсибилизацияловчи воситаларни (пипольфен, супрастин) юбориш керак, зарурати бўлганида ўпканинг сунъий вентиляцияси ўтказилади. Вена ичига юборилганида флебит ёки перифлебит ривожланиши, мушак ичига юборилганида инъекция жойида оғриқпайдо бўлиши мумкин.

Қўллаш мумкин бўлмаган ҳолатлар

Анамнезида пенициллинлар гуруҳи препаратларига ўта юқори сезувчанлик реацияси бўлган беморларга буюриш мумкин эмас.

Бошқа дори воситалари билан ўзаро таъсири

Пробенецид Ампиокс билан бир вақтда қўлланганида охиргисининг найчалар секрециясини пасайтиради, бунинг натижасида плазмасидапрепаратнинг концентрацияси ва заҳарли таъсиринингривожланишинихавфи ошади.Ампиокс бир вақтда перорал эстрогенсақловчи препаратлар билан қўлланганида, эхтимол эстрогенларнинг жигар циркуляциясинисусайиши ҳисобига уларнинг самарадорлигини пасайишианиқланади. Препарат перорал антикоагулянтларнинг таъсирини кучайтиради.

Маҳсус кўрсатмалар

Препарат билан даволаш жараёнида мунтазам буйракларнинг фаолиятини,  жигар ва периферик қон манзарасини назорат қилиш керак. Буйракларнинг фаолияти бузилган пациентларда креатинин клиренсининг Қийматларига мувофиқдозалаш тартибини тўғрилаш талаб қилинади.  Препаратни ҳомиладорликда кўрсатмалар бўйича қўллаш мумкин. Препарат кўкрак сути билан  паст концентрацияда чиқарилади.Лактация даврида препарат қўллашнингзаруратибўлганида эмизишни тўхтатиш масаласини ҳал қилиш керак. Буйрак етишмовчилиги бўлган беморларда катта дозаларда қўлланганида марказий нерв тизимига заҳарли таъсир қилиши мумкин. Бронхиал астмада, тошмали иситмада ва бошқа аллергик касалликларда препарат эҳтиёткорлик билан, бир вақтда десенсибилизацияловчи воситаларни буюриш билан қўлланади.

Чиқарилиш шакли

Инъекцион эритмаларни тайёрлаш учун кукун, шиша флаконларда 0,5 гдан.

Сақлаш шароити

Қуруқваёруғликдан ҳимояланган жойда, хона хароратида сақлансин.

Яроқлилик муддати

2йил.

Олиш тартиби рецепт бўйича

Ўрамида кўрсатилган яроқлилик муддати ўтганидан сўнг қўлланилмасин. Болалар олаолмайдиган жойда сақлансин.